رئيس التحرير
أبو المعاطي زكي
مرتضي منصور وخالد عبد العزيز

هجوم عنيف من الزملكاوية ضد الوزير

تعرض المهندس خالد عبد العزيز وزير الشباب والرياضة الي هجوم عنيف من اصدقائه الزملكاوية علي الفيس بوك وذلك بعدما كتب “بوست ” يظهر سلبية الدولة في شخصه بانه لا حول لهم ولا قوة خاصة بعدما بات يفعل مرتضي منصور ما يعن له في الزمالك وتساعده في ذلك وزارة الرياضة بقيادته واللجنة الاولمبية لدرجة وصلت الي استبعاد عضو مجلس ادارة سابق وهو هاني العتال لاي سبب كان .

 

فقد كتب الوزير علي “فيس بوك” : ” مازال البعض لا يدرك أو لا يريد أن يدرك أن الوزارة لا تصدر أحكاماً .. ولكن عليها التنفيذ فقط … تحيا مصر “.

 

وقد تعرض الوزير الي هجوم عنيف من اصدقائه علي الفيس بوك حيث رد عليه تامر الشريف قائلا : ” جمهور الزمالك هو اللى هيقف لك لو محلتش المهزلة ديه انت خايف من ايه ولحد امتى هتخاف كدا ” .

 

فيما قال صديق اخر يسمى على ويكا  “حضرتك اللي جبت المجلس ده بالتعيين للاهلي .. وبردو تقدر تشيله وتجييب لجنه مكانه لحد الانتخابات ..لكنك مش هتعملها طبعا ” .

فيما قالت رحاب ابو حسين وقالت “عموما جمهور الزمالك مش مستنى اى موقف من مما يسمى وزير الشباب و الرياضة اللى طلع فى الاعلام قال ان التقارير الامنية اثبتت ان الشعب بيفرح لما الاهلى بيكسب !!! .. الكلام ده لو كان حصل فى اى دولة محترمة كان الوزير ده يتحاكم هو و بتوع التقارير الامنية”.

 

فيما تساءل زياد البارودي قائلا ” اين كان حضرتك راضي عن الي بيحصل دا ولا لازم يكون ليك تدخل وموقف من الي هان كل مصر بدايه من رئيس الجمهورية ورئيس الوزراء وكل نجوم الرياضه المصريه الي هما فخر مصر والعالم العربي ، احنا كاجمهور عندنا حاله استياء جدا من عدم تدخل حضرتك لايقاف كل الظلم وحضرتك تقدر تعمل استفتاء لاراء الشعب وشوف كام مليون واحد هينتقد حضرتك وعدم تدخلك وكام واحد هيؤيد عدم تدخلك ، وشكرا”.

وقالت ميجا هيما ” يارب تكون مبسوط من التنفيذ ومبسوط من سلبيتك ومبسوط من حمام السباحة اللي عامله المختل الطرطور ومسميه علي اسمك ويارب تكون مبسوط من خسارتك لجماهير وعشاق الزمالك ويارب تكون مبسوط من ضميرك ويكون مرتاح وانت بتشوف الزمالك بيحصل فيه كده وساكت حتي لو مش في ايدك الاحكام لكن في ايدك سلطات كتير واداوات كتير تقدر تتصرف بيها لكن للاسف اخترت الجانب الخسران في المعركة النهائية ولن يذكرك التاريخ باي شئ سوي التنفيذ”.

 

وقال مصطفي حسين ” وانت فين ياسيادة الوزير من اللي بيعمله مرتضي من مخالفات القانون اللي حضرتك بتستشهد بيه وبتقول انك بتنفذه وبتحترمه بشهادة العالم حضرتك برده بيقول أن مرتضي منصور يفتح حساب شخصي باسم هاني زاده اللي طلع في الاعلام واقر بذلك وانت والقانون فين من ذلك ولا مرتضي صديقك فوق القانون كنت اتمني اشعر ان بلدي اتغيرت بجد ولكن لا تشغل بالك بذلك القانون يطبق عل الضعفاء فقط علشان كدا مش هنتقدم”.

وعشرات التعليقات الساخنة التي فضلنا نقلها لكم صورا حتي تقراوها بانفسكم .. ويبدو ان الوزير يعيش في برج عاجي ويحمي نفسه بعبارة ” تحيا مصر ” ولا نعرف ما اذا كانت هي وسيلته في التزلف لكبار المسئولين .

الزمالك

مرتضي منصور

 

Pin It on Pinterest