أحمد ناجي
ناجي يكتب : قلوب في العشق سارحة

ليه تلومو

ع اللى مش عارف يحب

لما حاولو يسمعو نبض قلبه

للأسف ملقوش له قلب

وف الحقيقه الحب منحه

مبيخدهاش أى حد

غير قلوب ف العشق سارحه

شايله جواها الحنين لكل حد

واللى بيبان حبه فعلا

لو يحب يفرح ويعلن

المحبه كنز ما بين الضلوع

المحبه طريق مفيهوش رجوع

واللى يقدر يمشى فيه فارس

ع المشاعر والهوى حارس

واللى ما يكملش فيه

مستحيل يبان عليه

أى علامات الشهامه

شفنا من ده والله ياما

اللى مش عارف يحب

مهما طال بيه الزمن

عند أول محنه حتدور عليه

حتلاقيه فجأه اختفى

وف ميزان الكره طب

ليه تلومو

ع اللى مش عارف يحب

عيسي جروب
تعليقات الموقع مغلقة حاليا , من فضلك قم باستخدام تعليقات الفيس بوك .