دافع أحمد سليمان، عضو مجلس إدارة الزمالك، عن محمد عواد، حارس مرمى الفريق، بعد أزمته الأخيرة في النادي، ورفض العقوبة الموقعة عليه بعد التغيب عن مران الفريق، لعدم مشاركته أساسيًا.
اضافة اعلان
وقال أحمد سليمان في تصريحات عبر قناة "إم بي سي مصر 1": "أنا بلوم على اللي ماسكين الكورة في الزمالك عشان محمد عواد".
وأضاف: "عواد زعلان عشان لعب مباراة المصري وقدم مستويات جيدة، بعدها مبقاش موجود".
وأكمل: "عواد له موقف السنة قبل اللي فاتت، كان فاضل على القيد يومين كلمته في التليفون عقده 16 مليون جنيه وفي ظروف مالية صعبة في الزمالك".
وتابع: "قولت له لو جاهز بـ 6 مليون جنيه سأقوم بقيدك في القائمة النهاردة، وتم ذلك بالفعل، وقالي أنا تحت أمر نادي الزمالك يا كابتن، لازم الحاجات دي تتراعى. ده تنازل عن 10 مليون جنيه ولازم يعامل معاملة كويسة ومعاملة محترمة ويكون له تقديره".
