أفشة يفتح النار ضد إعلامي شهير: "متقولش على لاعيب كبير زيي "بيجعجع"

هاجم محمد مجدي "أفشة"، صانع ألعاب الفريق الأول لكرة القدم بالنادي الأهلي، الإعلامي محمد شبانة، بسبب هجوم الأخير عليه عقب مباراة الأهلي والمقاولون العرب في بطولة الدوري.اضافة اعلان

كان محمد شبانة، هاجم أفشة، بسبب اعتراضه على السويسري مارسيل كولر، المدير الفني للأهلي بطريقة غير لائقة، عقب استبداله في مباراة المقاولون العرب.

وقال أفشة، خلال حواره ببرنامج "الكابتن"، المذاع عبر فضائية "دي ام سي": "بقول لاستاذ محمد شبانة، إنت مينفعش تتكلم على لاعيب زي ولا  تقول على لاعيب كبير زي بيلعب في النادي الأهلي (بيجعجع)".

وأضاف: "أنا ساعة الموقف ده كتبت اسمي على يوتيوب، عشان اسمع كل الناس في مصر بتقول عليا إيه، كل الناس انتقدتني باحترام، لكن مينفعش تقول (بيجعجع) أنا راجل ابن ناس متربي وحتى لما برد عليك بقول استاذ محمد".

وأتم: "لازم تبقى عارف لما تتكلم على لاعيب كورة متقولش الكلام ده، أسهل حاجة الرد وقلة الأدب".