أول تعليق من كريم فؤاد بعد إصابته بالصليبي

علق كريم فؤاد، لاعب الفريق الأول لكرة القدم بالنادي الأهلي، على إصابته بقطع في الرباط الصليبي، بعد تعرضه لتدخل قوي خلال مباراة سموحة الأخيرة في الدوري.اضافة اعلان

وأعلن النادي الأهلي منذ قليل، عن تأكد إصابة كريم فؤاد بقطع في الرباط الصليبي بشكل رسمي، وخضوعه لعملية جراحية خلال الفترة المقبلة.



وكتب كريم فؤاد عبر حسابه على «فيسبوك»: «كل خسارة دُونَ الجنة، فهي دُون، اللهم لك الحمد كما ينبغي لجلال وجهك وعظيم سلطانك، الدنيا دار إبتلاء وشقاء ودايمًا الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها، ودا بيكون إختبار ليك هتعمل ايه في الموقف دا».

وأضاف: «الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا».

وتابع: «أنا كان مكتوبلي إصابة في الرباط الصليبي للمرة التانية، بس عندي احساس تاني خالص مع الإختبار دا، انه انا في نعمة كبيرة اوي وان الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن».