أول رد من محمد شريف بشأن انتقاله إلى الزمالك

رد محمد شريف، مهاجم نادي الخليج السعودي والأهلي السابق، على الأنباء التي ترددت مؤخرًا بشأن دخوله في مفاوضات مع نادي الزمالك، خاصة بعد صفقة انتقال أحمد مصطفى زيزو إلى الأهلي.اضافة اعلان
وقال شريف، خلال مداخلة تليفزيونية عبر قناة «MBC مصر»:«محدش كلمني خالص من نادي الزمالك، يمكن يكون في كلام مع وكيلي، بس أنا شخصيًا مش بحب أتكلم مع حد بشكل مباشر، عشان لو الموضوع ما تمش، مايبقاش شكلي وحش وأكون محسوب على حد وأخسر باقي الناس.»

وبسؤاله عن حقيقة طلبه الحصول على 50 مليون جنيه كاش مقدمًا من الزمالك، رد قائلًا: «مفيش الكلام ده نهائي، مفيش نادي بيبدأ كده في التفاوض، وأنا أصلا مكنتش على تواصل مع أحمد حسام ميدو عضو لجنة التخطيط خالص، ولا عندي علم إذا كان كلم وكيلي ولا لأ.»


وتابع شريف:«علاقتي بميدو كويسة جدا، وهو من الناس اللي ساعدوني في دجلة، بس ما حصلش أي تواصل بخصوص الزمالك.»

أما عن الربط بين انتقاله المحتمل للزمالك وصفقة زيزو للأهلي، قال شريف: «مفيش الكلام ده طبعًا، كل نادي ليه احتياجات، واللاعب بيشوف ظروفه وبيقرر بناءً على ده، مثلا أنا حابب أكون في مكان يقدرني ويشتريني.»

واختتم مهاجم الأهلي السابق تصريحاته قائلاً: «لسه ما قررتش هرجع الأهلي ولا هكمل برا، بس اللي يهمني أكون في مكان يقدرني كويس.»