فتح إبراهيم سعيد، نجم الأهلي ومنتخب مصر السابق، النار على إمام عاشور، لاعب خط وسط الفريق الأول لكرة القدم بالنادي الأهلي، بعد المستوى الذي ظهر عليه في مباراة الزمالك في بطولة السوبر المصري.
اضافة اعلان
وقال إبراهيم سعيد، في تصريحات تلفزيونية عبر فضائية "النهار": "مش ده إمام عاشور، اللي يلعب في الأهلي، مش ده مستوى إمام عاشور، اللي احنا عاملين بنتكلم عليه، يعني إمام وصلني لمرحلة إن أنا كنت غلطان ؟ مش ممكن أكون غلطان لأن أنا مش من نوعية الناس إن أي لعيب يعجبني واتكلم عليه كويس، مش بسهولة اتكلم على حد كويس
وأضاف: "قليل جدًا لما يكون لعيب عجبني، هل أنت كنت غلطان لما أشادت بإمام عاشور؟ أنا كنت متخيل إمام عاشور، في مستوى أحسن من كده".
وتابع:" المشكلة والعيب عند إمام عاشور، لازم يشوف ايه اللي خلاه غير مفيد للنادي الأهلي، في مبالة الزمالك كل كورة ألشة مش عارف يعمل كونترول على الكورة والتسديد غلط واستعجال وقراراته متسرعة".
وواصل: "مش ده إمام عاشور، اللي بقول عليه أعلى إمكانيات في مصر"، مضيفًا: "إمام عاشور، بالمستوى ده يقعد احتياطي، حسين الشحات، بالمستوى ده يقعد احتياطي ".
وأتم: "أنا كنت متوقع إن إمام عاشور، يكون رقم واحد في الأهلي، ولكن بالمستوى ده مالوش أي فايدة للفريق سواء دفاعيًا أو هجوميًا، إنت كده بتعمل إيه في النادي الأهلي؟ إيه الدور اللي بتقدمه مع اللعيبة؟ أنا بعتذر اني قولت إن امكانيات إمام عاشور، هي الأفضل".
وجه محمود عبدالمنعم «كهربا»، لاعب الفريق الأول لكرة القدم بالنادي الأهلي، رسائل إلى زملائه بعد التتويج ببطولة السوبر المصري على حساب الزمالك.
