إبراهيم عادل: رفضت طلب بيراميدز بترك معسكر المنتخب

كشف إبراهيم عادل، لاعب بيراميدز السابق، ونوردشيلاند الدنماركي الحالي، كواليس رفضه لطلب ناديه السابق السماوي بشأن ترك منتخب مصر الأولمبي.
وكان إبراهيم عادل قد تسبب في أزمة كبيرة بين بيراميدز والاتحاد المصري في عام 2024، حيث أن السماوي تمسك بالثنائي إبراهيم عادل ومحمود صابر، ورفض إرسالهما لمعسكر المنتخب الأولمبي استعدادًا لأولمبياد باريس بسبب المنافسة ببطولة الدوري المصري آنذاك.اضافة اعلان
وقال إبراهيم عادل في حواره عبر شاشة قناة on sports: «كان عندي معسكر مع المنتخب الأولمبي، وبيراميدز كان رافض إني أروح المنتخب وقولتلهم مفيش مشكلة أنا تحت أمر النادي، لكن لما أروح المنتخب هكون تحت أمر المنتخب».
وأضاف: «بيراميدز قالولي احنا متفقين مع الناس هتروح يوم وترجع، قلتلهم ياجماعة انا لو روحت مع المنتخب مش هرجع».
وتابع: «الأهلي ساعتها اتكلم إن لو لعيبة بيراميدز رجعت الفريق بتاعها احنا كمان هناخد لعيبتنا من المنتخب، وبالتالي المنتخب قال مفيش حد هيرجه»، مستطردًا: «لقيت بيراميدز بيكلمني بيقولي سيب المعسكر وتعالى، قلتلهم لأ دا مش موقف صح اعمله، انا قلتلكم قبل ما اطلع اني لو روحت المنتخب خلاص انا تحت سيطرته وتحت أمر المنتخب، متجيش تقولي سيب المعسكر وأمشي، حل القصص والاتفاقات دي مع بعض وأنا جاهز».
وأكمل: «الموضوع فضل يلف يلف، وفي الآخر أنا اللي لبست القصة في النادي، مع إني والله العظيم أنا مليش ذنب في أي حاجة».