إمام عاشور: الخطيب مقصرش معايا ودايمًا في ضهري

أعرب إمام عاشور، لاعب خط وسط الفريق الأول لكرة القدم بالنادي الأهلي، عن سعادته البالغة بتواجده داخل صفوف الفريق الأحمر.

إمام عاشور، انتقل للأهلي في الميركاتو الصيفي الماضي قادمًا من فريق ميتلاند الدنماركي.اضافة اعلان

وقال إمام عاشور، في تصريحات لبرنامج "اللعيب"، المذاع عبر فضائية "ام بي سي مصر": "النادي الأهلي شرف لأي لاعب، أنا سعيد بوجودي داخل القلعة الحمراء، من أول يوم ليا في النادي اللعيبة كلها في ضهري وبيساندوني ويدعموني، وده اللي كنت محتاجه الفترة اللي فاتت من اللعيبة، مكنتش محتاج دعم غير من اللعيبة".

وأضاف: "دعم لاعبي الأهلي لي أمر يسعدني، كنت بنزل الملعب ممكن أموت نفسي عشانهم"، مضيفًا: "الكابتن محمود الخطيب، من أول يوم ليا في النادي مقصرش معايا في حاجة ودايمًا في ضهري وبيقولي الصح".


وتابع: "أنا بحب ألعب تحت ضغوطات، ميفرقش معايا كلام الناس السلبي، أنا أول ما أنزل الملعب ولبست تيشرت الأهلي، بقيت ملزم إني لازم أفرح الجمهور ومجلس الإدارة الجهاز الفني".