إمام عاشور يعترف: «كنت ماشي في طريق تاني»

اعترف إمام عاشور، لاعب خط وسط الفريق الأول لكرة القدم بالنادي الأهلي، بأنه كان يسير في طريق مختلف عن الذي ينتهجه حاليًا، وعلى أثره يقدم مستويات مميزة رفقة الفريق.اضافة اعلان

وقال إمام عاشور في تصريحات عبر بودكاست القلعة الحمراء مع سيد عبدالحفيظ: «ليه البداية غير دلوقتي؟ أوقات لازم الواحد يفوق نفسه ويتكلم مع نفسه».

وأضاف: «كنت ماشي في طريق مركز في حاجة تانية زي ما الناس بتقول، حاولت أتجنب كل حاجة بتتقال عني وركزت في التمرين والمباريات».

وأكمل: «في الآخر ربنا بيكرمني، وبيكون في نماذج عندنا في الفريق الواحد مش عيب يتعلم منهم حاجات ناقصاه زي الالتزام وإنك تتمرن كويس، تكون مركز في المباريات، ونكون في الملعب فريق واحد».

وتابع: «أنا باخد رد فعل على طول وده بيخسرني ساعات، لكن طالما واخد القرار ومقتنع به مليش دعوة أي حد يتكلم، زمان مكنتش بسمع لحد لكن دلوقتي ناس كتير بسمع لها».