«الأهلي غير الزمالك».. إبراهيم عادل يكشف مفاجأة عن المكافآت في بيراميدز

كشف النجم إبراهيم عادل، لاعب فريق نورشيلاند الدنماركي الحالي، مساء اليوم الثلاثاء، مفاجأة عن المكافآت في ناديه السابق بيراميدز، أمام الأهلي والزمالك قطبي الكرة المصرية.اضافة اعلان
وقال إبراهيم عادل، في تصريحات عبر قنوات «أون سبورت:» «وأنا في بيراميدز كان بيكون فيه مكافآت فوز لما بنواجه النادي الأهلي أكبر من مكافاة أي مباراة أخرى، وأكبر من مباريات الزمالك».
وأضاف: «دائمًا كنت بشعر إن مباراة الأهلي مختلفة بالنسبة للناس في نادي بيراميدز».
وتابع: «آخر ست مباريات في الدوري الماضي، كنت بشعر الفرق اللي قصادنا بتلعب بغل رهيب، انتوا مش هتاخدوا الدوري طب بتعملوا ليه كده».
كما أوضح: «والنادي الأهلي دايما بياخد البطولة والزمالك ساعات، فلو بيراميدز خد بطولة هتبقى حاجة كويسة».
بينما اختتم: «لاعيبة الفرق التانية كانوا بيقولولنا في الملعب مش هتكسبوا، ماتش فاركو مثلا اللعيبة كانت بتموت نفسها، كنت بكلمهم بقولهم انتوا ليه بتعملوا كده انتوا مش هتهبطوا يعني لو خسرتوا ولا بتنافسوا على اللقب، العام الماضي لما لاعيبة بيراميدز احتفلت بالدوري بعد مباراة سيراميكا أنا فضلت واقف واتحرجت احتفل، وكنت حاسس الموضوع غريب اللي هو احنا بنعمل إيه، وعموما خلاص الدوري اتحسم للأهلي بس إحنا كنا نستحق».