الحضري يعلق على أزمة تجديد زيزو مع الزمالك

وجه عصام الحضري، نجم الكرة المصرية السابق، انتقادًا حادًا لـ أحمد مصطفى زيزو نجم الزمالك، بسبب تأخر حسم موقفه من التجديد أو الرحيل عن الفارس الأبيض.
وينتهي عقد «زيزو»، مع الزمالك بنهاية الموسم الجاري، ولم يجدد اللاعب عقده حتى الآن مع القلعة البيضاء، خاصة بعد تلقيه عرضًا من النادي الأهلي لينضم إلى صفوفه في الموسم المقبل، في صفقة انتقال حر.اضافة اعلان
وقال الحضري في تصريح تليفزيوني عبر شاشة «أون سبورت»: «موضوع زيزو بقى بايخ، لو مش عايز يمضي لنادي الزمالك يطلع يقول مستني عرض احتراف، ولو مجاش هجدد».
 وأضاف: «انا ضد إن والده يتدخل في موضوع التجديد، احنا في مصر عندنا عادات وتقاليد، ومحدش يقنعني إن والد زيزو طول حياته بيتفاوضله».
وأكمل: «اللي بيحصل دلوقتي والكلام كله بيدور إن في مبلغ لزيزو ومبلغ لوالده، طب ميطلب المبلغ كله مرة واحدة».