علق عصام الحضري نجم الكرة المصرية السابق، على أزمة إمام عاشور لاعب فريق الكرة الأول بالنادي الأهلي، مشيرًا إلى أنه يرى اللاعب مظلوم ومن حقه مساواة عقده مع أي لاعب ينضم حديثًا.
اضافة اعلان
وكان وليد صلاح الدين أعلن خلال الأسبوع الماضي توقيع عقوبات قوية ضد إمام عاشور، بعد تخلفه عن السفر مع بعثة الفريق إلى بعثة تنزانيا.
وقال الحضري في فيديو تم نشره عبر الحساب الرسمي للإعلامي خالد الغندور على موقع التواصل الاجتماعي «فيس بوك»: «في فرق بيني موقفي الشهير بانتقالي لـ سيون السويسري وموقف إمام عاشور، أنا روحت على سوسيرا لكن إمام اعتذر عن الطيارة».
ووجه الحضري لـ إمام عاشور، قائلًا: «إنت لاعب محترف ولاعب مهم وبتاخد فلوسك وحقوقك، أتمنى منك إنها متتكررش وكمان لو أخطأت تطلع تعتذر».
وأضاف: «خلي التزامك وأدائك في الملعب هو اللي يرد على أي حد ينتقدك أو يسيء ليك». وتابع: «أنا كعصام الحضري لو مكان إمام عاشور بالتأكيد كنت هكون مضايق وهزعل وممكن أعمل مشاكل، ولكن هسافر وهروح ألعب».
وأكمل الحضري: «شايف إن إمام عاشور مظلوم، لإني لما بجيب لاعب جديد بمقابل مادي كبير لازم يكون أحسن مني، ولكن اللي جيه زي اللي موجودين».
واختتم الحضري تصريحاته قائلًا: «إمام عاشور دلوقتي أحسن واحد لاعب في مركزه حاليًا، ولكن مقدرش أقول الأحسن في مصر لإنه لم يحصل على بطولات عديدة».
