الزناتي لـ عامر حسين: بقالك 15 سنة ومش عارف تنظم الدوري

أبدى حسام الزناتي، رئيس لجنة المسابقات السابق بالاتحاد المصري لكرة القدم، غضبه بسبب الهجوم ضده من قبل عامر حسين رئيس لجنة المسابقات الحالي.

وقال الزناتي في تصريحات إذاعية: عامر حسين زعلان إنه ما اتكرمش، طب ده ميبينش ليك إنك مش بتضيف أي حاجة للمسابقة.اضافة اعلان

وأضاف: عامر حسين بقاله 15 سنة ماسك المسابقة ومش عارف ينظمها، وبنخلص الموسم في وقت طويل وقياسي مش بيحصل في أي مسابقة في العالم.

وتابع: المفروض تدفع فلوس مش تاخد فلوس عشان توجد في منصبك، ودا نظرا لإمكانياتك الضعيفة.

وأكمل: مش عارف هو زعلان ليه إني اتكرمت ومحدش كرمه، وهو عاوز يتكرم على إيه؟، تصريحاته مثيرة للشفقة.

وتابع رئيس لجنة المسابقات السابق: كل فترة عامر حسين يضع اسمي في جملة وأنا لم أرد عليه في أي تصريحات مغلوطة يتحدث عنها.