الغندور يسخر من أنباء انتقال زيزو للأهلي

علق الإعلامي خالد الغندور، على أنباء انتقال أحمد مصطفى «زيزو»، جناح الفريق الأول لكرة القدم بنادي الزمالك، لصفوف الأهلي، خلال فترة الانتقالات الصيفية المُقبلة.اضافة اعلان

وقال خالد الغندور في تصريحات عبر إذاعة «أون سبورت إف إم»: «سيبك من اللي مكتوب على المواقع لأنه طالع من جوا الأهلي، الأهلي عاوز يوصل للإعلام أن زيزو هياخد 30 مليون ودي حاجة مضحكة، يعني عاوز من الزمالك 80 وهيأخذ من الأهلي 30 مليون بس.

وتابع: «لما يبقى في نجم وأجي أخليه يفقد جماهيريته وجمهور الزمالك عشان أغريه يروح المنافس، لازم أديه فلوس كتير».

وأضاف: «المعلومات اللي عندي في الأهلي، عارضين عليه مبلغًا كبيرًا جدًا بجانب هدايا وعربيات، ووالد زيزو هو اللي متفق على كل حاجة، لكن التوقيع لم يتم.

وأتم: «الصراحة الطبيعية هي أنه لم يُمضِ لأن زيزو كان عنده معسكر بقاله خمس أو سبع أيام مع المنتخب وكان في المغرب ووالده ما يقدرش يمضي مكانه إلا لو كان عامل لوكيله توكيلًا، ووالده مش معتمد كوكيل، يعني هو بيتفاوض كوالده».