القندوسي يكشف كواليس مثيرة بشأن رحيله عن الأهلي

كشف أحمد القندوسي، لاعب النادي الأهلي والمعار إلى سيراميكا كليوباترا، كواليس عدم عودته لـ النادي الأهلي من جديد بعد انتهاء إعارته، وتجديد إعارته لـ سيراميكا.اضافة اعلان


وقال القندوسي في تصريحاته عبر قناة «أون تايم سبورتس 1»: «قبل ما يخلص الدوري كنت راجع الأهلي، ولما قربت والدنيا خلصت اختلفت الأمور والكلام كان أنهم هجيبوا لعيبة جديدة».

وأضاف: «المدير الفني للأهلي مارسيل كولر قال أنا عايز لاعيب استايل لاعيب معين، والاستايل ده مش موجود في القندوسي».

وأكمل لاعب سيراميكا: «أنا مش هقولك لا أنا هرجع وغصب عنك هقعد حتى لو دكة، بس أنا مش كدة وجاتلي عروض ولما جات في سكة الأهلي مناقشتش الأمور دي، وجاتلي أندية في أوروبا».

وأردف: «في نادي الدرجة الثانية في الدوري الإنجليزي كان هيبعتلي الطبيب يكشف عليا في منتخب الجزائر في المعسكر لاتمام التعاقد معي، ورفضت عشان النادي الأهلي».

وزاد القندوسي: «الكلام ده في الوقت اللي الأهلي بيقول إني مرجعش وأن لازم القندوسي يفضي مكان للاعب أجنبي، في الوقت اللي كان في كلام مع محمد علي بن رمضان».


وأتم قندوسي حديثه قائلًا: «أنا معنديش مشكلة لو الأهلي قالي أمشي همشي، عشان أنا عارف نفسي هروح أي حتة ألعب».