تصريحات نارية من سيد عبدالحفيظ بشأن قضية أحمد رفعت

أطلق سيد عبدالحفيظ، مدير الكرة السابق بالنادي الأهلي، تصريحات نارية، بشأن قضية اللاعب الراحل أحمد رفعت، والتي توفي بعدها إثر أزمة خاصة بالقلب.
اضافة اعلان
وقال سيد عبدالحفيظ في تصريحات عبر برنامج «اللعيب»: «أتمنى يطلع لنا مين اللي كسر الواد ده أو كان سبب؟ الأقدار بتاعت ربنا ده أجله».

وأضاف: «مين كان سبب في كسرة قلب واحد زي ده أو ورطه. إحنا مش في محاكمة لكن قولنا ونسمع. الموقف ده لو اتنسى مننا أعتقد الواحد ميبقاش بقلب».

وأكمل: «يبقى في حد يقولنا إيه اللي حصل لأحمد رفعت وكسر نفس الواد ده، أو محدش عمل حاجة مين خالف قانون مين تحايل على القانون؟».

وتابع: «الكلام ده لمين؟ للمنظومة الرياضية، لعيب الكورة زي ما بيعيش حياة مرفهة لكن عنده ضغوط كبيرة جدًا، اللاعيبة دي مش عبيد، ده في الآخر إنسان بيسلمني نفسه لو قلت لواحد وأنا مسؤول عنه متروحش مش هيروح لو أنا أمين معاه يا إما أورطه».

وزاد: «أنا بقول للمنظومة الرياضية كلها احنا مستنيين نتيجة التحقيقات عشان حتى نقدر نتعامل في اللي جاي من حياتنا كويس».

وأردف: «أنا راجل كنت ماسك 12، 13 سنة مقدرش أطلع تصريح مرتين، أطلعه إزاي ده ناس بتتعامل بالقانون، هي منظومة في قانون بيحصل».