تصريحات نارية من طاهر محمد طاهر بشأن مشاركته مع الأهلي

كشف طاهر محمد طاهر، نجم النادي الأهلي، عن إعجابه الشديد، بأسلوب عمل محمد رمضان المدير الرياضي، بالقلعة الحمراء.


وقال طاهر محمد طاهر خلال تواجده ضيفًا في برنامج حارس الأهلي المذاع على قناة الأهلي: «مدرسة أن مدرب يحب ويكره دي قدمت شوية، ومش موجودة ومن ساعة ما روحت الأهلي مشوفتهاش، المدرب بيدي اللعيب اللي بيأدي وبيقاتل هيلعبه».اضافة اعلان

وأضاف: «الكلام اللي يتقال أن مدرب بيكره وبيحب وبيلاعب شخص على حساب التاني عشان مش بيحبه، ده كلام فارغ ومفيش الكلام ده».


وأكمل: «عجبني مدرسة محمد رمضان على المستوى الشخصي، على الرغم من الفترة القصيرة اللي قضاها معانا بس بيعمل محاضرات كتير وبيتكلم معانا كلعيبة».

وأردف طاهر محمد طاهر: «بحاول أتعلم من محمد رمضان وسيد عبدالحفيظ وخالد بيبو على قد ما أقدر، عشان لو جاتلي فرصة في يوم من الأيام أني أبقى مدير كرة لما أبطل».

وأتم نجم الأهلي تصريحاته قائلًا: «لما أعتزل مش حابب أخش مجال التدريب، مش عايز أعيش حياة لعيب الكرة كمدرب، حياة كلها ضغط ومعسكرات، ولكن مدير الكرة ضغط مختلف، اجتماعاتك بتبقى إدارية أكتر سواء مع مجلس الإدارة أو فيفا وكاف».