علق عبدالواحد السيد، مدير الكرة السابق بالزمالك، على تصريحات البلجيكي يانيك فيريرا، المدير الفني للفريق، بشأن اللاعب سيف الدين الجزيري عقب الفوز على حساب فاركو، في المباراة التي جمعتهما أمس، ضمن الدوري الممتاز.
اضافة اعلان
وقال يانيك فيريرا، المدير الفني للفريق، إن الجزيري لن يتواجد في المباريات المقبلة للفريق نهائيًا، وذلك خلال تصريحاته في المؤتمر الصحفي عقب لقاء فاركو، موضحا أن هناك أسبابًا لقراره وسيتم الإعلان عنها لاحقًا.
وعلق عبدالواحد السيد في تصريحات عبر برنامج «اللعيب» على قناة «إم بي سي مصر»: «التصريح كان مفاجئ. أنت عندك تحديات كتيره في الدوري الموسم ده وكسبان. الموضوع ده متعرفشي غير لما المدرب اتكلم فيه المؤتمر الصحفي وهو اللي فتح باب الكلام دلوقتي وأنت مكنتش بتسمع عن مشاكل ولا أزمات داخل النادي وكمان نقلت التمرين للكلية الحربية علشان كده».
وأضاف: «أنا شايفه تصريح غير موفق من المدير الفني خصوصًا أن الموضوع كان بقاله كام يوم وما كنش حد يعرف عنه حاجة وفتح باب الكلام».
وتابع: «بعيدًا عن حبي لسيف الدين الجزيري لكن الكلام ده يخلي سيف الدين الجزيري لازم يروح مكان تاني لو هو حابب يلعب كأس أمم إفريقيا وكأس العالم مع تونس أو بطولات غيرها».
وأتم: «سيف الدين الجزيري محترم جدا وهي المشكله أنت مش عارف حالته النفسية لما ينزل هتبقى ايه. أنا شايف كان لازم يشوف حاجة تانية من بدري لو حس أن مفيش رغبة وهو عنده حاجات كتيرة عايز يعملها».
