تعليق ناري من إبراهيم سعيد بشأن رحيل إمام عاشور

علق إبراهيم سعيد، نجم نادي الأهلي والزمالك ومنتخب مصر السابق، على أنباء رحيل إمام عاشور نجم المارد الأحمر، عن القلعة الحمراء وتلقيه عرض بـ200 مليون جنيه.اضافة اعلان



وقال إبراهيم سعيد في تصريحات عبر برنامجه «بلس 90» المذاع على قناة النهار: «والله الأخبار دي دايمًا بتنزل عن إمام عاشور أنه عايز يرحل وجايلي عروض بمبالغ فلكية، وده مش دلوقتي بس ده من ساعة مدخل الأهلي ولسه متمرنش ولا تمرينه وتلاقي أخبار أنه عايز يمشي ويعمل تجربة الإحتراف».


وتابع: «مسؤلو نادي الزمالك واللاعبين القدامى للفارس الأبيض يرددوا مثل هذه الشائعات، يعني أنتو مزهقتوش من الكلام بنفس الطريقة في كل مرة».


وأضاف نجم الأهلي السابق: «إمام عاشور مبسوط ومتألق ومكمل مع الأهلي على مسؤوليتي الشخصية، والولد عايز يحقق ألقاب ويعمل تاريخ لنفسه وأمجاد هتفرق معاه في حياته زي أبوتريكة ومحمود الخطيب، وطاهر أبو زيد».


وأشار إلى أن أي حد يتمنى يبقى مكانه عند تاريخ يعمله مش هيقدر يعمل زيه، معاه إداراة وفريق وإدارة فنية على أعلى مستوى، تقدر تسحبه لحته بعيدة.

وأتم إبراهيم سعيد: المنظومة الوحيدة اللي تقدر تنجحه وتفرق معاه هي منظومة النادي الأهلي، فريق كبير بيصنع اسم أي لاعب، وليه مكاسب محدش يقدر يوصلها.