حازم إمام ينتقد حسام حسن بسبب تشكيل مصر ضد بوركينا فاسو

انتقد حازم إمام، نجم الزمالك السابق، اختيارات حسام حسن، لـ تشكيل منتخب مصر ضد بوركينا فاسو، خلال المواجهة التي ستجمع بينهما ضمن منافسات تصفيات أمم أفريقيا المؤهلة لكأس العالم 2026.اضافة اعلان

ومن المقرر أن يلعب منتخب مصر ضد بوركينا فاسو اليوم الثلاثاء، لحساب الجولة الثامنة من تصفيات أفريقيا المؤهلة لكأس العالم، على ملعب «4 أغسطس».

وقال حازم إمام عبر قناة «أون سبورتس»: «كابتن حسام بيجازف جدًا وبيحط نفسه في موضع اتهام إن الناس هتوجه كلام كتير لو حصل حاجة».


وأضاف: «دلوقتي هو حاطط نفسه في الحتة دي، التساؤلات كتير في تشكيل المفروض رايح تكسب، فتجيب مدافع أيمن تخليه قلب دفاع وعندك نفس المراكز بره».

وأكمل: «التساؤلات تخليك قبل الماتش تتكلم لو كسبنا كل ده هيروح ولو لا هتلاقي ناس كتير رايحة لـ حسام حسن على طول أنت ليه عملت كدة؟!».

وتابع: «كابتن حسام عايز يبتكر في ماتشات صعبة، وطالما لعب كوكا وجهة نظري يبقى في اثنين في خط النص، نتمنى التوفيق والفكرة تتبلور في الملعب بشكل كويس».