كشف الإعلامي أحمد شوبير حارس مرمى الأهلي
ومنتخب مصر السابق حقيقة تكبد الأهلي نصف مليار جنيه للتعاقد مع محمود حسن
تريزيجيه نجم منتخب مصر، وتفاصيل قيمة الصفقة.
اضافة اعلان
كان الأهلي قد أعلن رسميًا مساء أمس عن ضم
تريزيجيه لصفوفه لمدة 5 سنوات في الصيف المقبل قادما من فريق طرابزون سبور التركي،
بعد انتهاء إعارته بنهاية الموسم الجاري مع فريق الريان القطري.
وقال أحمد شوبير: «إمبارح النادي الأهلي فاجأ
الجميع بالكشف عن التعاقد مع تريزيجيه، والأهلي عمل الصفقة في سرية وتكتم شديد جدا
جدا، والدنيا كلها كانت ماشية في سكة تانية، لكن الأهلي حسم صفقة اللاعب بعد مشوار
10 سنوات في الاحتراف».
وتابع أحمد شوبير: «عايز أوضح شوية حاجات مهمة
في هذه الصفقة، تريزيجيه هينضم بداية من كأس العالم لإن تريزيجيه الموسم ده لعب
لناديين وبالتالي لوائح الفيفا تمنعه من اللعب لنادٍ ثالث في نفس الموسم فهو هيكمل
الموسم ويرجع مع الأهلي من مسابقة كأس العالم للأندية المقبلة».
وأوضح حارس الأهلي السابق: «البعض قال إن
الصفقة كلفت الأهلي نصف مليار جنيه هذا الأمر لا أساس له من الصحة خالص خالص،
بالعكس كمان تريزيجيه تنازل عن 100 ألف دولار من مستحقاته لدى نادي طرابزون سبور
من أجل الانضمام للأهلي، والأهلي مش هيدفع الصفقة بنسبة 100 في المائة لإن فيه
حقوق رعايات لبعض الأندية هتتخصم من قيمة المبلغ اللي هيدفعه النادي الأهلي».
وأضاف شوبير: «جماهير الأهلي استقبلت الخبر في
فرحة وسعادة وكان نفسهم ينضم من النهاردة لكن خالص باقي 4 شهور وينضم للأهلي وهو
عنده 30 سنة وقدامه 5 سنيين يديهم في الملاعب وهما اللي الأهلي جدد معاه بيهم عشان
ميوجعش دماغه بعد كده بتجديد تاني للاعب».
