رد ناري من القيعي على تصريحات نيرة الأحمر

رد عدلي القيعي رئيس شركة الكرة السابق بالنادي الأهلي، على تصريحات نيرة الأحمر عضو مجلس إدارة الزمالك، التي أدلت بها خلال الساعات الماضية.

وقال عدلي القيعي في تصريحات عبر قناة «الأهلي»: «الغريب في كلام نيرة الأحمر إنها بتعكس الأمور بشكل حاد جدًا، لما روحت خدت يحيى الدرع من هليوبوليس وخدتوه بعدها بسنة لما تألق.. تعرفي تقولي لي هو إنتوا خدتوا إزاي حسن قداح من نادي الشمس؟».اضافة اعلان

أضاف: «دا أنا شخصيًا كان معايا الشيك وكنت قاعد مع رئيس النادي وبنتفاوض 3 أيام وتجيله تعليمات من رئيس اتحاد كرة اليد وقتها هشام نصر ويتوجه يروح نادي الزمالك».

وتابع: «كان فيه قاعدة وقتها في الاتحاد بتقول إن مينفعش يبقى فيه في المكان الواحد 3 لاعبين دوليين، والزمالك كان عنده 2 لاعبين دوليين مكان حسن القداح ولاعب دولي ناشيء والأهلي معندوش حد، ورغم ذلك الزمالك خد اللاعب».

وكانت نيرة الأحمر قالت في تصريحات عبر قناة «الزمالك»: «عندك المنافس بيلف على كل فرق مصر، في كل الأعمار وياخد الناس الفزعة، وبدأ في الدرجة الأولى يعمل الكلام ده، ودي سياسة متبعة من 2018».

أضاف: «أي لاعب بتتفاوض عليه هو بيعلي في السعر ويضمه لصالحه، ومش بس نادي الزمالك ولكن كل الأندية الجماهيرية، وده بسبب الفلوس الكتيرة المعروضه».