رد ناري من عدلي القيعي على ميدو

رد عدلي القيعي رئيس شركة الكرة بالنادي الأهلي، على تصريح أحمد حسام «ميدو» نجم الزمالك ومنتخب مصر السابق، الذي انتقد فيه حديث سيد عبدالحفيظ بإن النادي الأهلي جامد.اضافة اعلان

وقال القيعي في تصريحات عبر قناة الأهلي: «اه أنا جامد.. بس بتقاليدي وقوتي ونظامي وقيمي وخططي، وإني عندي تداول ناعم بين المتنافسين على قيادة النادي الأهلي ومحدش بيغل على حد ولا حد عاوز يفشل حد، ولكن في استقرار والكل بيدعم كله مهما كانت درجة المنافسة».

وأضاف: «ولكن المدهش والمضحك إن الذي كان يعترف ويروج ويدعو ويقول اعملو زي الأهلي، ليه مبنعملش زي الأهلي، دلوقتي بيقول هو مش أنت جامد طب ماتسبني أكسب فلوس، هل أنا ماسكك؟، ولا أسيبك تكسب فلوس إزاي».

وأتم القيعي: «أنا بكسب فلوس لإني بعمل الباقات، كل يوم والتاني بعمل حاجه تجبلي فلوس، وانت بنفسك قولت كده في وقت سابق».

وكان ميدو قال في برنامجه عبر قناة «المحور»: «أنت قوي وجامد زي ما انت بتقول؟ حلو أدي فرصة بقى للناس التانية تاخد فلوس وتنافس وورينا نفسك بقى انت جامد ولا لأ. أيي المشكلة؟ ولا انت خايف».