رسائل نارية من إبراهيم سعيد لمجلس الزمالك

وجه إبراهيم سعيد نجم الكرة المصرية السابق، عدة رسائل نارية إلى مجلس إدارة نادي الزمالك، وذلك في أعقاب خروج الأبيض من كأس مصر.

وقال إبراهيم سعيد في تصريحات عبر قناة «النهار»: «التركيز كله في الفترة الأخيرة مع زيزو وبن شرقي، طب باقي اللاعيبة أي بالنسبالكم مش موجودين، أه هم اللعيبة معظمهم مبتعرفش تعلب بس لازم تهتموا بيهم مش كل حاجه زيزو وبن شرقي».اضافة اعلان


وأضاف: «لايجب تجاهل بعض اللعيبة والتركيز مع لاعبين بعينهم، وشوف مين يستحق يكمل في نادي الزمالك ومين لا».


وتابع: «مجلس الإدارة بيضيع وقت وبيلعب على المدى البعيد، علشان يبقى فيه ظرف، ويوصل للجمهور إن في ظروف أعاقت التجديد للاعب مثلا، أو في الصفقات».

وأشار: «المفروض إن مجلس الإدارة جاي يغير زي ما قال، وإنه دارس الموقف، لكن تنفيذ على أرض الواقع مفيش، إنما كلام بس».

وأردف: «أنت كعضو مجلس زمالك دورك اللي جيت علشانه إنك تدي حلول، مش كل حاجه تبرير».

وواصل: «لم يحدث أي تغييرات منذ مجيء مجلس الزمالك، من 6 شهور، لا صفقات ولا أي تغييرات، ولكن مجرد بس كلام على السوشيال ميديا».

وأردف: «كل صفقات الزمالك مجرد كلام بنسمعه على السوشيال ميديا، ولكن على أرض الواقع مفيش أي صفقات تمت».


وأتم لاعب الزمالك السابق حديثه: «كفاية مسكنات لجمهور الزمالك، لأنه تعب بقاله أكثر من سنتين في الموضوع ده، من قصص عن ضم بن شرقي وغيره».