رسائل نارية من حازم إمام بشأن بيراميدز

وجه حازم إمام، نجم نادي الزمالك السابق، رسائل نارية بشأن الفريق الأول لكرة القدم بنادي بيراميدز.

وقال حازم إمام، في تصريحات عبر إذاعة «أون سبورت اف ام»: «في ظل التريقة على بيراميدز والاستهزاء بيه والتقليل منه هو دايمًا مكمل ومبيهمدش، هو ظل 4 سنوات لا يتوج ببطولة لحد ما توج ببطولة كأس مصر في الموسم الماضي »اضافة اعلان

وأضاف: «الاربع سنين اللي فاتوا الناس كانت بتقلل من بيراميدز سواء كان إعلاميين أو محللين، بيقولوا معندوش أمل وعمره ما هياخد بطولة ورغم كده هما شغالين وبيشتروا لعيبة كويسة »

وتابع: «بيراميدز استمر في مشروعه وتطوره حتى سيطر على المركز الثاني، بقاله 4 سنين ماشي بشكل قوي جدًا »

وأكمل: «اللي بيعجبني في بيراميدز بناء الفريق، وجود الفلوس بيسهل المهمة ولكن إدارة اللعيبة دي صعب».

وأتم: «أي حد بيفهم في الكورة هيقول بيراميدز ماشي بشكل كويس جدًا وبنمط أكتر اكتر حاجة بتعجبني في بيراميدز اللاعبين الأجانب، بيجيبوا لعيبة مميزة وكلهم بيلعبوا أساسيين».