رسائل نارية من حسام حسن بعد تعادل منتخب مصر أمام غينيا بيساو

وجه حسام حسن المدير الفني للفراعنة، مساء اليوم الإثنين، 4 رسائل نارية عقب مباراة منتخب مصر وغينيا بيساو في تصفيات كأس العالم 2026 القادم، والتي انتهت بالتعادل الإيجابي بنتيجة 1-1.اضافة اعلان

قال حسام حسن عقب المباراة في تصريحات لشبكة قنوات «أون تايم سبورتس»: «بدأنا بشكل كويس ونسبة استحواذ منتخب مصر كانت عالية رغم إن المنتخب بيلعب برا ملعبه».

وأضاف: «فخور بالنجوم بتوعنا بداية من القائد محمد صلاح وحتى أصغر لاعب، وبنلاعب منتخب قوي عندهم 26 محترف وأجساد غير طبيعية».

وتابع: «ضيعنا فرص كتير ومكناش بنلاعب نفسنا ولينا ضربة جزاء، وهناك أخطاء تحكيمية لكن سعيد بالأداء وكله كان مركز وغيرت في التشكيلة وطريقة اللعب ودخول إمام عاشور غير الشكل بتاعنا والأخطاء التحكيمية مستمرة».

وواصل: «الحمدلله حققنا نتيجة إيجابية والمهم برا ملعبنا منخسرش، إحنا فين وبقينا فين، وسعيد بالجمهور بتاعنا، سعيد بلاعيبتي ومبسمعش لحد ولا فارق معايا التشكيك».

وأتم: «في ناس خايفين إن المنتخب ينجح وسعيد بوجودي في منتخب مصر وبمثل الناس الكويسة في الشعب المصري وعايز اقولكوا افرحوا في قلة قليلة بتوقع الناس».