وجه أحمد شوبير حارس مرمى الأهلي ومنتخب مصر السابق رسائل نارية لمسؤولي نادي الزمالك في ظل البيانات المتتالية منذ خسارة مباراة القمة أمام الأهلي بهدفين للاشيء.
اضافة اعلان
وقال أحمد شوبير في تصريحات إذاعية اليوم الثلاثاء: "الأهلي فاز على الزمالك للمرة الرابعة على التوالي بس الأهلاوية لا زالوا في حالة من الشك حول الفريق وغير راضين عن الأداء بشكل كامل".
وتابع أحمد شوبير :"أما الزمالك فعنده مشكلة وعنده أزمة الخسارة من الأهلي للمرة الرابعة تواليا، والزمالك دلوقتي ماسككين في قصة الحكم كان مخطيء، وأنا سألت الأغلبية من حكام سابقين وخبراء ولاعبين قالوا لأ مش ركلة جزاء وفيه البعض القليل قال لأ يوجد ضربة جزاء".
وأوضح شوبير: "إعلام الزمالك متشعبط في القلة دي وبيقولوا إن فيه ناس أهو قالت ضربة جزاء، وبعد بيان نادي الزمالك ضد الحكم جاء بيان تاني إمبارح ضد المخرج والهتافات بعد المباراة يعني أنا مش عارف هو المخرج هو اللي خسرك هو الهتافات هي اللي خسرتك".
وأضاف شوبير: "ثم بيان ضد رابطة الأندية عشان الهتافات المسيئة ومش عارف أيه، وبيقول لك قبل المباراة كان فيه هتافات مسيئة، ولكن برضه هل الهتافات هى إللي خسرتك هل المخرج اللي خسرك هل الحكم إللي خسرك".
واستنكر شوبير ما يحدث مضيفًا: "لماذا لا تتحدث عن الأسباب الفنية للخسارة؟، عن التشكيل وتسأل نفسك أنا خسرت ليه أيه السبب الحقيقي للخسارة، ولا أقصد التقليل من معتمد جمال إطلاقًا، ورأيي الشخصي أنا كأحمد شوبير شايف إن الزمالك ليس له ركلة جزاء".
واختتم حارس الأهلي السابق: "المفروض تشتغلوا على إللي جاي تشتغلوا صح عشان تنجحوا وتشوفوا الأخطاء وتعالجوها وتفكروا في اللي جاي وتقفلوا صفحة القمة خلاص".
