رسالة حاسمة من الأهلي بسبب إمام عاشور

كشف وليد صلاح الدين مدير الكرة في النادي الأهلي، حقيقة المفاوضات مع إمام عاشور لاعب الفريق الأحمر من أجل تجديد تعاقده، مؤكدًا أنه شائعات لا أساس لها من الصحة.اضافة اعلان

وقال وليد صلاح الدين في تصريحات تليفزيونية عبر شاشة قناة الأهلي: «والله كل الكلام على إن إمام عاشور عامل مشاكل في أوضة اللبس كدب وغير صحيح، زي الكلام اللي اتقال إني كلمت وكيل إمام عاشور وقولتله «خلي إمام ينزل من طلباته في العقد»، طب إزاي أنا هكلم الوكيل واقوله كدة طب مانا قدامي إمام».

وأضاف: «مفتحتش كلام مع إمام عاشور خالص ولا جات سيرة وكيله أساسًا، وقصة آدم وطني مع النادي الأهلي قبل مانا أجي بكتير، والنادي منع التعامل معاه والموضوع انتهى من هنا».

وتابع: «من غير المنطقي إني افتح كلام مع إمام عاشور دلوقتي خالص، لإن في عقد 3 سنين لسه واللعيب ملتزم، ومنضبط وبيتمرن كل يوم بأحسن ما يكون».