سؤال مثير من إمام عاشور بعد استبعاده من المنتخب

كشف الإعلامي سيف زاهر، كواليس حديثه مع إمام عاشور لاعب فريق كرة القدم الأول بالنادي الأهلي، لاسيما بعد الظهور غير الجيد، في بعض لقاءات الأحمر الأخيرة.اضافة اعلان
وقال سيف زاهر خلال تصريحات فضائية عبر برنامج «ملعب أون تايم» المذاع عبر شاشة «أون تايم سبورتس 1»: «إمام عاشور وهو بيحلق شعره كان بيتفرج على فيديو لينا، وده الفيديو اللي قولنا فيه لإمام ركز في الملعب»، مشيرا: «إحنا مش بنتعرض على حد، دورنا إننا ننور كشاف نرجع بيه كل واحد لطريقه السليم.
وأضاف: «حصل حديث بيني وبين إمام وقولت له جسمانيا إنت كنت في الزمالك أفضل من الوضع الحالي، وقالي إن نسبة الدهون في جسمه 7% وده رقم عمره ما حققه، وإنه بيعيش أفضل فتراته في الملاعب.
وأكد: «إمام عنده علامة استفهام على عدم ضمه لقائمة المنتخب، وبيقول علشان ماتش واحد استبعد من القائمة؟ هو أنا بروح المنتخب بمباراة واحدة؟»، وتابع سيف: «الحقيقة إن في مديرين فنيين، حتى لو في لاعب مش ماشي كويس مع فريقه، ممكن المدرب يضمه، لأنه يظهر بصورة جيدة مع المنتخب.