شن سيد معوض، نجم الأهلي السابق هجومًا ناريًا على أحمد فتوح، لاعب الفريق الأول لكرة القدم بنادي الزمالك بعد تصرفه الأخير في حفل الساحل.
وكان قد قرر جون إدوارد المدير الرياضي لنادي الزمالك بالتنسيق مع عبدالناصر محمد مدير الكرة، توقيع غرامة مالية على فتوح قيمتها مليون جنيه وإيقاف مستحقاته وتحويله للتحقيق بعد خروجه من معسكر الفريق لحضور أحدى الحفلات بالساحل الشمالي دون إذن.
اضافة اعلان
وقال سيد معوض في تصريحات تليفزيونية مع الإعلامي مهيب عبدالهادي عبر برنامج"اللعيب":"عندي مشكلة مع فتوح نفسه في الدماغ، ربنا مديك نعمة كبيرة جدا لازم نحافظ عليها، هو مُصر يضيعها ومُصر يفتري".
وتابع:"في كام باك ليفت في مصر هو لوحده، بقاله سنتين فين من وقت ما كان مع كارلوس كيروش في كأس الأمم كله اخباره مشاكل وحبس، هل شوفته في الملعب ؟!".
وأضاف:"لما يحصل موقف زي اللي حصل في الساحل وحد يتوفي رب أسرة، لازم تأخد بالك من نفسك شوية، الناس بتتكلم عن المعسكر، الراجل السنة اللي عدت معسكر إيه، الراجل عامل جناية السنة اللي عدت".
وأكمل:"لازم يهدي عشان ربنا يسترها عليه، لعيب دولي كل سنتين بيعمل ماتش ويرجع على المنتخب عشان مفيش حد غيره ولو في غيره كان مش هيرجع أصلا، والكورة مش بتقف على حد".
