شادي محمد عن عرض الخطيب: لازم أكون خدام الأهلي

وجه شادي محمد، مدير جهاز الكرة النسائية في الأهلي، رسالة خاصة بشأن محمود الخطيب، رئيس القلعة الحمراء، خلال حديثه عن كواليس تعيينه في منصب داخل النادي.اضافة اعلان


وقال شادي محمد: «لو رجعنا لتاريخ النادي الأهلي في مواقف قليلة جدًا لما حد يكون مثلًا مش مع حد معين فيما يخص الانتخابات، ومش حابب أتكلم في المواضيع دي بيقولك صعب يدخل النادي».


وأضاف عبر «بودكاست القلعة الحمراء»: «لكن الحسابات بتكون مختلفة، أنا بتعامل بسلامة نية، وهنا عايز أحكي مقابلة الكابتن محمود الخطيب، كأن مفيش أي حاجة».


وزاد: «ده يعلمك أنت كمان مفيش خصومة، وخصوصًا اليوم اللي مسكت فيه منصب في النادي الأهلي».

وتابع: «الأهلي إداني اسم وكل حاجة كويسة، فلما الأهلي ييجي يعرض على حاجة من خلال رئيس النادي الكابتن محمود الخطيب، فلازم أكون خدام للنادي الأهلي اللي خيره عليا، هي الحسابات كدة».

وأكمل: «فكرة العرض والطريقة والاستقبال والكلام اللي أنا أخدته وحسيت إني أستحقه وكنت محتاجه من رئيس محترم الكابتن محمود الخطيب».