شوبير: «فجأة قرارات الخطيب بقت كلها غلط!»

انتقد أحمد شوبير حارس مرمى الأهلى ومنتخب مصر السابق قيام بعض النجوم السابقين بالهجوم على أنديتهم عقب الرحيل عن المناصب التى كانوا يتولونها فى هذا النادى.اضافة اعلان

وشدد شوبير على ضرورة أن يكون رأى اللاعب أو النجم القديم نابعا من قناعاته الشخصية وليس مرتبطا بمكانه.

وقال أحمد شوبير: «نقطة تانية عايز أكلم فيها بلاحظ هجوم من بعض اللاعبين القدامى على إدارات أنديتهم وده ليه عشان ما بيشتغلوش جوه النادى، بس النادى مش هيشغل الناس كلها».


وتابع شوبير: «طبعا ليك حق على ناديك بس برضه النادى معذور هيشغل النادى دى كلها إزاى، وأنت كمدرب من حقك تدرب أى فريق تروح تدرب الزمالك تدرب المصرى أى فريق عادى، وكابتن الجوهرى لما راح درب الزمالك أنا رحت زرته فى نادى الزمالك عادي».

وأضاف شوبير: «إنما واحد يكون شغال جوه نادى ويخرج يقول لك خدونى لحم ورمونى عضم إيه اللى خلاك تقول كده يا كابتن..؟!، يكون شايف محمود الخطيب أحسن واحد وبعد ما يخرج يقول لك قراراته كلها غلط».

واختتم شوبير: «طبعا فيه ناس تانية زى كابتن مختار مختار وكابتن زكريا ناصف خرجوا لم يتكلموا عن الأهلى بأى شيء».