علق الإعلامي أحمد شوبير، حارس مرمى الأهلي
ومنتخب مصر السابق، على واقعة طرد المغربي محمد الشيبي، لاعب بيراميدز، في مباراة
فريقه أمام مودرن سبورت، أمس.
وقال أحمد شوبير، في تصريحات إذاعية، اليوم
الثلاثاء: «الحقيقة عندي عتاب على محمد الشيبي وهو عارف إني بحبه جدا حتى في أزمة
حسين الشحات كنت بتكلم وبوضح وجهة نظره، رغم إن كان فيه حملة عنيفة عليه، لكنه كان
صاحب حق يعني».
وتابع شوبير: «أنا معرفش إمبارح الشيبي كان
عايز يطرد ولا كان متعصب ولا مضايق ولا إيه، أنا مش عارف!، عمل واحدة الحقيقة في
وش لاعيب نادي مودرن صعبة جدا، ويا كابتن محمد الغازي فورا كان لازم تدي له كارت
أحمر، مش محتاجة ولا مراجعة فار ولا أي شيء، مفيهاش فصال، فاتخضيت إن الحكم كابتن
محمد الغازي لم يطرده وإداله كارت أصفر».
وأوضح شوبير: «فأنت يا شيبي خدت بطاقة صفراء
وربنا سترها معاك، فبعدها علطول الشيبي راح كررها تاني وضرب لاعيب مودرن، فمنحه
بطاقة صفراء ثانية فكان غريبا جدا الشيبي الحقيقة في المباراة دي».
وأضاف شوبير: «يا شيبي أنت لاعيب مهم جدا وشديد
الاحترام، وأنا حسيت إنه كان عايز ياخد كارت أحمر، والحكم عنده خطأ كبير جدا في
هذا الأمر لعدم طرده مباشرة».
اضافة اعلان