هاجم أحمد شوبير حارس مرمى الأهلي ومنتخب مصر السابق مجلس إدارة نادي الزمالك بسبب تزايد القضايا على النادي في الاتحاد الدولي لكرة القدم بشكل مستمر.
اضافة اعلان
وقال أحمد شوبير في تصريحات إذاعية اليوم الخميس: "الزمالك كان عنده 18 قضية حل قضيتين بقه عنده 16 قضية، ولكن امبارح فؤجي بقضية مساعد فيريرا واتحكم له بـ 63 ألف دولار، هي مبالغ خايبة بس الناس بقت عارفة طريق المحكمة الرياضية أنا كمشجع لنادي الزمالك مش ممكن كل يوم الصبح اصحى على قضية ده أمر يخض كثير يا جماعة نادي بحجم نادي الزمالك 17 قضية مش سهلة والناس مرعوبة كمان من موضوع الرخصة الافريقية".
وتابع شوبير: "جماهير الزمالك عايشة في حالة قلق طب ليه أنا جايبك مجلس إدارة، ومش كل شوية احل 5 قضايا ييجي لي غيرهم، القضايا دي لازم تحلها عشان القيد يتفك والأرقام كل شوية بتزيد عشان فيه فوائد والرقم الإجمالي اللي على الزمالك يتخطي الـ 6.5 مليون دولار، يعني حوالي 400 مليون جنيه مصري وبتزيد".
وأوضح شوبير: "الزمالك مش هيقدر يدفع المبلغ كامل لكن ممكن يجدول، وأنا بقوله خلص بقه الدنيا صعبة، وموضوع صلاح مصدق عامل مشكلة كبيرة عند حماهير الزمالك، وموضوع إيقاف القيد التأديبي اللي بينفيه مسؤولو الزمالك حقيقي وآه فيه إيقاف تأديبي بسبب صلاح مصدق، ولازم تخلص القصة لإن جماهير الزمالك ما تستهلش منك كده، والنتيجة أنت وقعت في قضايا كثيرة".
وأضاف شوبير: "أكبر خطأ عمله نادي الزمالك هو التأخير في التفاوض، موضوع الاستسهال ومش عايز أقول الاستهبال ده مينفعش، أنت كمجلس إدارة لازم تشتغل وبلاش نفضل نعيش في مظلومية الأرض ونضحك على الناس".
