شوبير ينتقد الزمالك بسبب عرضي دونجا وصبحي

انتقد الإعلامي أحمد شوبير حارس مرمى الأهلي ومنتخب مصر السابق، مسؤولي نادي الزمالك بسبب ما يتردد من عروض لنجمي الفريق نبيل عماد دونجا والحارس الشاب محمد صبحي.اضافة اعلان
وقال أحمد شوبير في تصريحات إذاعية اليوم الثلاثاء: «فيه عرض من فريق مصري لضم حارس الزمالك محمد صبحي ده اللي أنا أعرفه، لكن إللي اتردد إن جاله عرض من أحد الأندية السعودية، طيب أيه هو النادي أيه هو العرض زي أحمد عبدالقادر مثلًا الأهلي قال نادي الحزم فقولوا لنا أيه هو النادي عشان الدنيا تبقى معروفة يعني».
وتابع شوبير: «هل صبحي عنده عرض من أحد الأندية السعودية بالفعل؟، وبعدين يقول لك النادي منتظر موافقة صبحي عشان يفاوض نادي الزمالك، طيب مش الأول تشوفوا نادي الزمالك موافق يبيعه ولا لأ».
وأضاف شوبير: «نفس الأمر مع دونجا، قالوا فيه عرض ليبي لضم دونجا والزمالك قال لك ماشي بس هات لي فلوس كويسة، وهو عنده لاعيبة كثيرة في المركز ده دلوقتي: محمود جهاد وسيف جعفر ومحمد شحاتة وعبدالله السعيد، وكمان آخرهم أحمد ربيع المنضم من البنك الأهلي، لكن مين النادي وفين هو العرض وتفاصيله أيه».
واختتم شوبير منتقدًا: «هو لازم تبقى لوغاريتمات لازم تبقى قصة صعبة أتمنى الأمور تبقى أوضح من كده شوية».