شوبير ينتقد تفاوض الأهلي مع مهاجم مودرن

انتقد أحمد شوبير حارس مرمى الأهلي ومنتخب مصر السابق الأنباء التي تربط بين الأهلي وبين التفاوض مع محمود ممدوح مهاجم فريق مودرن سبورت وهداف بطولة الدوري المصري الممتاز حتى الآن.اضافة اعلان
وقال أحمد شوبير: "بخصوص محمود ممدوح وقصة مفاوضاته مع الأهلي، سألنا مصدر في نادي مودرن قال لم يتحدث معنا أحد وقالوا لي كمان سألنا اللاعيب وقال محدش كلمه، وعلى فكرة لما بدأت قصة الأهلي مع علي محمود وأقطاي في إنبي سألنا المهندس أيمن الشريعي قال محدش أكلم معاه، بس هنا بيبقى فيه حد بيكلم مع اللاعيب دون تدخل مباشر من إدارة النادي".
وأوضح شوبير: "عندي سؤال أنت عندك المغربي سفيان بن جديدة والجزائري منصف بقرار، وأقطاي دول مهاجمين وجايبهم بالملايين هتعمل أيه فيهم هتمشي حد من اللي جايبهم بالملايين ولا هنخش في الدوامة تاني وتجيب لاعيب وتخزنه ما تدي اللاعيب فرصة واثنين وخمسة حاجة صعية يعني".
وأضاف شوبير: "بالمناسبة كمان التفاوض مع نادي مودرن صعب جدا، لإن الدكتور وليد دعبس مالك النادي بيدير الأمور دي بنفسه، وهو بيصرف كثير جدا، ولما تيجي فرصة هيستغلها، ولذا هيطلب مبلغ كبير جدا من الأهلي وده حقه تماما".