انتقد الإعلامي أحمد
شوبير نظام مسابقة الدوري الممتاز 2025-2026، تزامنًا مع منافسات الجولة الرابعة
من عمر الموسم الجديد.
قال شوبير في تصريحات
إذاعية: عمري ما شوفت دوري بمشاركة 19 أو21 أو 23 فريقا إلا عندنا، وطول ما إحنا
شغالين كدة مش هننجح، لازم تحط إطار تشتغل عليه علشان يطلع منتج حلو، والمنتج
الحلو هيطلع من المطبخ، وأنا مش بهاجم ولا رابطة الأندية أو اتحاد الكرة.
اضافة اعلان
وتابع شوبير: موضوع
دوري بـ 21 فريقا وقبله دوري بـ 19 فريقا، وكان الاتجاه في الغرف المغلقة إن إما
الثبات على 18 ناد أو محاولة التقليل إلى 16 نادي ودا كان صعب يحصل، فتم الاستقرار
على خوض المنافسات بـ 18 نادي وفجأة بقينا 21 بعد إلغاء الهبوط في الموسم الماضي،
والمفروض السنة الجاية يكونوا 20 فريقا واللي بعده 18 لكن النظام دا مش عاجبني علشان
مشفتوش قبل كده.
وانتقد شوبير قلة
الأهداف في مباريات الدوري الممتاز، حيث قال: بالعافية في 3 مباريات أمس الأحد
شوفنا هدف واحد لمحمد عمار لاعب الإسماعيلي في مرمى طلائع الجيش، والدراويش حقق
الفوز الأول ليه في الموسم الحالي، بأمارة إيه اقعد 270 دقيقة أتفرج على جول واحد
مش حلو والدنيا مش حلوة.
وشدد: إحنا عايزين
حاجة كويسة الناس تتفرج عليها، الناس في أمريكا بتحب كرة السلة والبيسبول علشان
بيستمعتوا والثانية بتفرق في المنافسة والفارق في النقاط بين الفرق بيكون قريب،
والجمهور بيحب اللقطات الحماسية والأهداف، فمينفعش العب كل الوقت دا علشان أسجل
هدف واحد.
واختتم شوبير
تصريحاته: مينعش عدد أهداف الدوري بعد كل المباريات اللي اتلعبت قليل جدًا، لما
يكون حوالي 51 هدفا.
