شوبير يهاجم لاعبي ومسؤولي بيراميدز

انتقد الإعلامي أحمد شوبير حارس مرمى الأهلي ومنتخب مصر السابق عدد من لاعبي ومسؤولي نادي بيراميدز بسبب ما قاموا به عقب التتويج ببطولة دوري أبطال أفريقيا.اضافة اعلان
 وقال أحمد شوبير في تصريحات إذاعية: «إمبارح احتفلنا بفريق بيراميدز وعلى مدار الأسبوعين اللي فاتوا كانت الناس كلها بتتكلم على الفريق والنهائي وكنا سعداء بـ بيراميدز لكنه الحقيقة ردود الفعل والتصريحات بعد فوزهم كانت عجيبة غريبة جدا وغريبة وبصراحة تضايق».
وأوضح شوبير: «يعني لاعيب يطلع يقول لك المصريين اللي بيكلموا لهجمة مصرية وبيشجعوا صن داونز بنقول لهم هارد لك، وواحد مدرب (يقصد جدو) يقول لك خدنا بطولة أفريقيا غصبًا عن الرابطة يا جدع أفرح يا جدع ده رئيس الجمهورية قدم لكم التهنئة».
وأضاف شوبير: «ما هو غصبا عن الدنيا كلها الأندية الشعبية هيكون ليها جماهيرية أكثر وشعبية وفرحة أكبر، ما هو مش هتاخد كل حاجة الفلوس والشعبية، وربنا مقدر كل شيء، مش هينفع يعني، ما عندك نادي المقاولون العرب واخد بطولتين في أفريقيا، وخد السوبر والدوري والكاس، وكان أكثر نادي غير جماهيري فيه تعاطف معاه بس المسؤولين فيه لما يتكلموا بيكون بشكل جيد ومتزن، هي الحياة كده هتعمل أيه ولا تقدر تعمل حاجة، عموما لسانك حصانك لو صنته صانك وإن خنته خانك».