وجه محمود عبدالرازق شيكابالا، قائد نادي الزمالك، رسائل لـ أحمد سيد زيزو لاعب النادي الأهلي، موضحًا أنه يكن له كل الحب والتقدير ولكنه حزين من رحيل اللاعب.
اضافة اعلان
وقال محمود عبدالرازق شيكابالا في تصريح تليفزيوني عبر شاشة «إم بي سي مصر»: «هسلم الراية من بعدي لـ جماهير نادي الزمالك، لما كنت في البرنامج معاك يا إبراهيم من سنة، قلت إني هسلم الراية لـ زيزو، ودلوقتي زيزو مش موجود وده اللي زعلني منه أوي».
وأضاف: «كنت بقول إن زيزو هيشيل الراية معاكم، لما مشي ومسلمتش عليه ده حب وحاجة كنت راسم ليها من سنين، ومكنتش متصور مشيانه، بس أنا بحبه أوي».
وتابع: «كل احتفالاتي في الأهداف كانت مع زيزو، بتمناله كل التوفيق طبعًا في القرار اللي خده، ولكن أنا زعلت».
