فتح محمود عبد الرازق «شيكابالا»، نجم الزمالك السابق، النار على حسام حسن، المدير الفني لمنتخب مصر، بعد الأداء الذي ظهر عليه المنتخب في مباراة أنجولا، وتصريحاته ضد محمد الشناوي، حارس مرمى الأهلي.
اضافة اعلان
وقال شيكابالا، خلال حواره ببرنامج «الكورة مع فايق»: «من ساعة الدوري ما بدأ الكابتن حسام والكابتن إبراهيم، راحوا ماتشات الدوري كام مرة؟ ولا مرة، مينفعش مدرب منتخب مصر الدوري يبقى شغال وميروحش ولا ماتش، إنت في الأول كنت بتروح».
وأضاف: «مينفعش تاخد نفس العناصر هي هي، الانضمام لمنتخب مصر يكون وفقًا لحالة اللاعب في المباريات الأخيرة
وتابع: «تصريحات حسام حسن، عن محمد الشناوي، غير مقبولة، احترم اللي قاعد على يمينك محمد هاني، ده زميله في الملعب مينفعش تتكلم على كابتنه في النادي والمنتخب بهذه الطريقة وزميله قاعد على يمينك».
وواصل: «حسام حسن، بهذا التصريح خسر أوضة اللبس، أهم حاجة في الكورة أوضة اللبس، أوضة اللبس لو متواجدة هنشوف حاجات عظية زي اللي شوفنها في كأس العالم، كان مفروض نبني عليها لكن احنا معملناش كده، انت بتقول تصريحات هتخلي كل واحد معاك في المعسكر قلقان منك»
وأكمل: «أنت فتحت الباب إن محمد الشناوي، يقول حاجات حصلت في المعسكر ومش هتعرف تغلطه عشان انت اللي بدأت، بس أنا شايف في تصريحات الكابتن حسام، إن الأنا عليت أوي، مينفعش مدرب منتخب مصر الأنا تعلى عنده، بيقول (أنا اللي عملتلك أنا اللي فوقتك، أنا اللي بلعب كورة حلوة، الدوري المصري مفيش فرقة بتلعب كورة كويسة)»
