عبد الحفيظ: الزملكاوية فرحانين بالتعادل مع الأهلي

علق سيد عبدالحفيظ، نجم الكرة المصرية السابق، ومدير الكرة الأسبق بالنادي الأهلي، على تعادل الفريق الأحمر في القمة أمام الزمالك، في اللقاء الذي جمعهما ضمن بطولة الدوري المصري الممتاز.اضافة اعلان


وتعادل الأهلي مع الزمالك، بهدف لكل في فريق في اللقاء، الذي احتضنه استاد القاهرة الدولي، أمس السبت، ضمن مواجهات الجولة الخامسة عشر من مسابقة الدوري.



وجه سيد عبدالحفيظ رسالة لنادي الزمالك خلال تصريحات تلفزيونية عبر فضائية «إم بي سي مصر 2»: «خوفك من نتيجة مباراتك أمام الأهلي هو اللي مفرحك بالتعادل دلوقتي، واللي هيشوف لاعب في الأهلي هيقوله هاردلك واللي هيشوف لاعب من الزمالك هيقوله مبروك».

وأضاف عبدالحفيظ: «الزمالك عنده جملة غلط، ودي وجهة نظر فنيا، أنه مفيش حاجة اسمها كتر خيرهم، في الأندية الكبيرة، في ظل المعطيات الموجودة، يعني حاليا الزمالك بعد عن المتصدر بحوالي 8 نقاط، لو بيراميدز كسب بكره».

وتابع: «الزمالك لما تدرسه كويس، تعرف إنه عشان يجيب فيك جول، لازم الفريق كله يطلع للهجوم، وفي الوقت الحالي مفيش سرعات، ومفيش لاعب رقم 9 نحطة تطلع عليه، يعني لازم الفريق كله عشان يسجل».