عبد الواحد السيد: «اتهاجمت من جمهور الزمالك بسبب سكوتي»

شهدت مباراة الزمالك وزد في الدوري المصري اعتراضات كبيرة من مسؤولي الأبيض بسببب التحكيم، خاصة بعد طرد اللاعب محمد شحاتة والمدرب العام أيمن عبدالعزيز.
اضافة اعلان
وقال عبدالواحد السيد، مدير الكرة بنادي الزمالك، في تصريحات نشرتها قناة «أون سبورت»: «اللي بيحصل مع الزمالك زيادة. أنا ساكت بقالي كتير واتهاجمت من جمهوري عشان مش بتكلم».

وأضاف: «لكن الموضوع صعب جدًا. أنت (الحكم) لغيت الجول عشان تسلل، وضربة الجزاء اللي قبليه؟!، أنا اتظلمت في ماتشات كتير».

وزاد: «في إيقافات كتير للعيبة، ليه بيحصل معانا كده؟ أكيد في وقفات مع الزمالك بخصوص الموضوع ده، احنا مش عايزين نصدر أزمات، لكن بقى الموضوع زيادة».

وتعادل الزمالك مع نظيره زد، اليوم الخميس، لحساب الجولة الـ17 من بطولة الدوري الممتاز، بهدف لمثله، خلال اللقاء الذي جمعهما على استاد القاهرة الدولي.