وطرح أبو المعاطي زكي سؤالًا على حمادة عبد اللطيف قائلًا: «في الجيل الحالي مين اللي تقدر تقول عليه حريف؟».
ورد حمادة عبد اللطيف: «فيه مصطفى فتحي طبعًا بيعجبني، لكن إمام عاشور بقى جامع بين الحرفنة والقوة والتسديد على المرمى والمهارة. إمام عاشور أفضل لعيب كورة في مصر».
وأضاف: «أنا قولت الكلام ده قبل كده، لكن ده انفراد خاص ليك إنت إن مستوى منتخب مصر لما بيكون إمام عاشور كويس، بتلاقي منتخب مصر كويس. رغم إنه ما اكتملتش لياقته البدنية بشكل كامل».
وتابع: «اتفرجت على ماتش الأهلي ووادي دجلة، لعيب هايل، وأقرب اللاعبين للاحتراف في الدوري المصري. عنده كل مميزات اللاعب اللي يقدر يحترف بره ويكون واجهة كويسة لمصر».
واختتم تصريحاته قائلًا: «إمام عاشور برجله اليمين مميز جدًا، وأول مرة أشوف لاعب بيشوط الكورة من الثبات بالشكل ده، يكون قريب جدًا من الكرة ويطلعها بالقوة دي»
