فيديو.. شوبير يطرح حلاً لإنقاذ الدوري

شدد الإعلامي أحمد شوبير حارس مرمى الأهلي ومنتخب مصر السابق على أن الموسم المقبل ستكون هناك مشكلة كبيرة في إقامة بطولة الدوري المصري الممتاز.
اضافة اعلان
وقال أحمد شوبير في تصريحات إذاعية: «الموسم اللي جاي عندك مشكلة كبيرة جدا في إقامة بطولة الدور عشان السنة اللي جاية عندك كاس العالم للأندية ودي بـ 32 فريق مقسمين على 8 مجموعات، وكمان عندك الدوري الأفريقي وموتسيبي قال الأهلي والزمالك هيشاركوا في البطولة اللي جاية واحتمال بيراميدز يشارك كمان، وعندك تصفيات للبطولة دي أساسا وفيه دوري أبطال أفريقيا والكونفيدرالية الأفريقية».

وأوضح أحمد شوبير: «اقتراحاتي لحل المشكلة دي ورغم رفضي ليه وكرهي الشديد له وإني مش بحبه لكن هو الحل دلوقتي وهو دوري المجموعات، إني ألعب بطولة الدوري من مجموعتين.. وما هو يا جماعة مفيش حل دا انتوا بتأجلوا بطولة الكاس سنة، نهائي كأس مصر بين الأهلي والزمالك ده بتاع السنة اللي فاتت».

وأضاف شوبير: «لا يوجد ما يمنع من إنك تعمل دوري مجموعتين وتطلع الـ 4 الأوائل من كل مجموعة وتلعب دوري سوبر بينهم، هيقول لك الأندية هتعترض تعترض عادي مفيش مشكلة لإن الضرورات تبيح المحظورات».