فيديو.. شوبير يهاجم عامر حسين:« زهقنا من الكلام الفارغ دا»

هاجم الإعلامي أحمد شوبير، عامر حسين عضو مجلس إدارة اتحاد الكرة، بسبب الأزمة المثارة حاليا من جانب الأخير مع نادي إنبي، الذي وجه لها اتهامًا بمحاولة التدخل وقيد لاعب في التاسعة من عمره كان ناشئًا في الفريق البترولي وتم استبعاده لضعف مستواه الفني.اضافة اعلان
وقال «شوبير» في برنامج الإذاعي «مع شوبير» المذاع عبر «أون سبورت»: «لا نقدر نجبر ولا نقدر نضغط على حد عشان لاعب معين، مش دورنا نقول قيد دا وسيب دا..أنا في اليوم بيجيلي 50 واحد وعايز يخضع للاختبار لكن مقدرش أدخل حد نادي معين.. واحد لسه إمبارح قالي عندي ولد هيكون أفضل من محمد صلاح».
 واضاف: «أنا مالي بالموضوع دا، لو اللاعب كويس خدوه مش كويس خلاص والموضوع خلص، زهقنا من الكلام الفارغ دا، والموهبة بتفرض نفسها على الجميع يا حج عامر حسين».

وتابع «عماد جابر رئيس قطاع الناشئين بنادي إنبي من اكثر الناس ادبا، ولكن أنت مالكش صالح انك تطلع حد من الجروب مالكش علاقة بالموضوع تدخل لاعب في نادي أو غيره.. ماينفعش تشيل حد من جروب انت عامل عشان الشغل ومصلحة الأندية، دي الأصول كدا، انا شكلي عايش على قديمُه.. احنا في زمن تاني ولا ايه!!».