فيديو.. علي ماهر: محمد صلاح ميعرفش يبقى كابتن

يرى على ماهر، المدير الفني للفريق الأول لكرة القدم بنادي المصري البورسعيدي، أن محمد صلاح، نجم نادي ليفربول الإنجليزي، لا يمتلك نفس مواصفات حسام غالي، قائد الأهلي السابق، في القيادة.اضافة اعلان
وقال على ماهر، في تصريحات تلفزيونية عبر فضائية «إم بي سي مصر»: «شخصية محمد صلاح غير شخصية حسام غالي، أنا بقارن بين الشخصيتين لأن كل واحد فيهم كابتن، صلاح لاعب بنضرب بيه القدوة ونموذج لمصر كلها».
وأضاف: «صلاح كان هو اللي لازم يطلب الاستمرار مع منتخب مصر، مش اتحاد الكرة، إنت لازم اللعيبة تطمن بوجودك، إنت لازم تبقى شخصية قوية، أنا شوفت ده مع حسام غالي، لو في لاعب قصّر في الملعب (بيخطف اللعيبة)، لو لاعب بيتدلع في الملعب بيشده، اللاعب بيبقى شايل هم حسام غالي، اللعيب كان بيبقى حامل هم حسام كأنه مدرب معاه في الملعب.. هو ده كابتن الفرقة».

وأكمل: «محمد صلاح بيعرف يتكلم وقدوة، ولكن ميعرفش يعمل اللي كان بيعمله حسام غالي، الكابتن لازم يبقى حاسم وقوي».

وأتم: «محمد صلاح كان لازم يطلب الاستمرار مع منتخب مصر لأن اللعيبة بتطمن بوجوده»، مضيفًا: «بلاش تقطيع كتير في محمد صلاح.. ده واجهة لينا».