كهربا: «مكنتش هدفع غرامةوبعدها اعتزل»

علق لاعب النادي الأهلي محمود عبدالمنعم كهربا، على سداده الغرامة المالية لنادي الزمالك قائلًا: «موضوع الغرامة كان هيطول شوية.. اقعد سنتين تاني وكابتن حسين لبيب شخصية محترمة وقربنا المسافات وسددنا في الوقت المناسب».اضافة اعلان

وقال محمود كهربا، خلال استضافته ببرنامج «أسرار» مع الإعلامية أميرة بدر المذاع على قناة النهار: «احنا كرجالة بنعرف نجيب فلوس، وقلت اشتري نفسي ومكنتش هدفع وأكمل كورة كده، والموضوع يطول في المحكمة شوية وبعدها اعتزل، عشان الموضوع انا مظلوم فيه، ومش حق حد عندي، وفيه ناس ساعدتني في الغرامة لأن الناس بتحب الأهلي اوي وبيحبوا كهربا اوي، لاني بطبيعتي وراضي».

وأضاف كهربا قائلًا: «نجيب ساويرس حبيبي، ومش لازم الناس كلها تعرف، ودفعت 70%، وربنا هيكرم تاني، وموجعتنيش الغرامة، وهما 76 مليون أصلا، واللي كان بيتكلم عليا كان برنامجه مبني على كهربا عشان يطلع بس مش أكتر».