«لو منه أرجع».. شوبير يوجه رسالة قوية للخطيب

وجه الإعلامي أحمد شوبير حارس مرمى الأهلي ومنتخب مصر السابق رسالة قوية إلى محمود الخطيب رئيس النادي الأهلي بعد الخروج المهين للفريق من بطولة كأس مصر.اضافة اعلان
 وقال أحمد شوبير في تصريحات إذاعية اليوم الأحد: "رسالة بتقول لي هل الكابتن الخطيب لسه في المغرب؟ وهل يقطع زيارته للمغرب ويعود للأهلي لبحث ما يمر به الفريق؟، اه لسه في المغرب ويجب أن يعود طبعا لإن ما يمر به الفريق واللي بيحصل مش قليل، وإنك تخرج من كأس مصر بالشكل المهين ده مش قليل".
وتابع شوبير: "أنا لو منه هقطع الرحلة وأرجع فورًا لإن ده وقت شدة، تقول لي برضه أصل الدوري واقف مفيش غير كاس عاصمة مصر ويلعبها بالناشئين يلعبها بالولاد الصغيرين ليه ما يلعبها باللاعبين الكبار دول، يقعدوا ليه، لكن طبعا إللي حصل حدث كبير جدا خسارة الأهلي أمام المصرية للاتصالات، ومن وجه نظري الأمر مش سهل على الاطلاق".