«ليه كدة؟».. شوبير يوجه رسالة لإدارة الزمالك بعد الأحداث الأخيرة

وجه الإعلامي أحمد شوبير، رسالة لمجلس إدارة نادي الزمالك، برئاسة حسين لبيب، مطالبهم بضرورة وضع لوائح وضوابط.
وقال شوبير في تصريحات إذاعية عبر برنامجه المذاع على «أون سبورت إف إم»: «من فضلك يا مجلس إدارة الزمالك، حط لوائح واشتغل عليها، مش مهم تخسر كل البطولات في سنة، ولكن تكسب إنك تحط ضوابط ولوائح ونظام، عشان كل واحد يبقى عارف إن اللي هيغلط هيتحاسب».اضافة اعلان
وأضاف: «الزمالك خسر بالأمس أمام الاتحاد في نصف نهائي كأس السلة، وجماهير الزمالك مابلتش ريقها ببطولة في كافة البطولات ومختلف الفرق من سلة وطائرة ويد وغيرها».
وأكمل: «انت مش بتشتغل لنفسك انت بتشتغل لنادي الزمالك، الكلام ده قواعد للمستقبل، يعني لو لاعب عمل تصرف خاطئ انت اللي تعاقبه مش انت اللي تعمل بيان تدافع عنه».
وأردف: «النادي أكبر من أي لاعب، اللي عايز يمشي بألف سلامة، النادي يعمل أفضل وأحسن منه، وملاعب الكورة في الزمالك لازم تتجدد، وأصرف عشان تعرف تطلع أجيال كويسة».
وأتم: «هو في إية! ليه كدة! الناس بتتعشم خير في ناس ولكن للأسف آمالها بتذهب أدراج الرياح».